Afro ta salsero... gauza onik ez espero!

Afro ta salsero... gauza onik ez espero! http://mikitaimar07.nireblog.com Pontxo Pelos-en Blog-a Sat, 21 Nov 2009 00:02:29 +0000 Afro ta salsero... gauza onik ez espero! http://files.nireblog.com/blogs/mikitaimar07/gravatar.gif http://mikitaimar07.nireblog.com http://nireblog.com Horren txokotik. http://mikitaimar07.nireblog.com/post/2007/11/12/horren-txokotik http://mikitaimar07.nireblog.com/post/2007/11/12/horren-txokotik Azken aste hauetan, nahiko lanpetuta ibili naiz klaseko lanez eta beste hainbat gauzetan sartuta. Egunak eman ditut es dakit zenbat rollo desberdin egiten. Eta berdin da zenbat denbora ematen dudan edo ze gogoekin egiten dudan lana, beti nota bera lortzen dut.

Ordenagailu artean pasa ditut orduak eta orduak. Batzutan gaueko ordu txikitan geratu behar izan naiz lan egiten, lo gura puta horren aurka borrokan.Nire gauzetaz arduratzeko denbora faltan izan dut. Beno, egia esan, klaseko kontuak nire gauzak dira; baina nire buruko txoko ilun horietan dauden armiarma-sareak kanporatzeko, edo bisitatzeko aukera handirik ez dut izan.

Baleike horixe izatea nire Blog honek izan duena faltan. Behar bada, ez dut behar bezala zaindu, mimatu. Egia esan, ez da izan espero nuen bezala. Hasieran gogo handiz hartu nuen honen ardura. Baina, hainbeste "ardura" izanda, Blogerako izan dudan denbora murriztua izan da.

Horregaitik, txalotxekoa da tipo horrek bere txokotik egindako lana. Irakurtzera baino pentsatzera animatzen duten testuak sortu eta era jator eta natural batean idatzi ditu. Kazetari usaina, bai jauna. Sarean eskegi eta denok ditugu testu horiek eredu. Zorionak, behin"Jefe" izandakoaren lana ahaztu barik, claro!

]]> Mon, 12 Nov 2007 23:38:22 +0000 77+30 http://mikitaimar07.nireblog.com/post/2007/11/12/7730 http://mikitaimar07.nireblog.com/post/2007/11/12/7730 Askorentzako 77-a ez dauka berezko esanahirik. Zenbaki kapikua soil bat, besterik ez. Baina kaleko musikaz jantzita dagoen norbaiteri galdetuz gero, zalantza izpirik gabe historiako urte garrantzitsuenetariko bat dala esango digu. Izan ere, urte horretan PUNK-a jaio zen eta 30 urte bete ditu jadanik.

Gu baino helduagoak direnen oroitzapenak eta telebistan botatzen dituzten dokumental eskasak erabili ditugu geure buruan orduko egoeraren irudia eraikitzeko. Orain unibertsitatean 30 77+30 urte hauek ozpatzeko dokumental eta aurkezpen maratoia antolatu dute. Azaroaren 8an hasi eta abenduaren 19ra arte iraungo du, beraz, aste bakoitzean ekitaldiren bat ikusteko aukera luzatu da.

Guztiok izan dugu beti izkutuko Punk izaera. Gaur egun, lehen zana baino askoz gehiago zabaldu da. Moda bat bihurtu dela esan daiteke, behintzat janzkerari dagokionez. Agian orduan ere moda ere bazen, baina zail egiten zaigu benetako Punk ispiritua imaginatzea gaur egun: gizartearekiko nazka, axolagabekeria, erabateko askatasuna... Garai onak izango ziren horiek, non belarritako ta botak jantziz gero mundua aurretik eramateko gai zinela sentitzen zenuen.

]]> Mon, 12 Nov 2007 23:34:48 +0000 Agur, Agur Begil... http://mikitaimar07.nireblog.com/post/2007/11/05/agur-agur-begil http://mikitaimar07.nireblog.com/post/2007/11/05/agur-agur-begil Azkeneko bolada honetan ez dut askotan ikusi Karima Unibertsitatetik. Baina, hala ere, ezin dut nire burutik kendu. Kabroien batek, lo nengoela, bere irudia tatuatu zidan betazalen barrukaldean. Horregaitik, begiak ixten ditudan bakoitzean bere irudia agertu egiten zait aurrean. Honek, arazo handiak dakartza lo egiterako orduan eta loguraz heltzen naiz egunero klasera.

Gauza da, datorren urtean klaseko batzuek Erasmus edo Seneca proiektuen laguntzaz, atzerrira joan nahi dutela 3. kurtsoa ikasten. Niri ere, holako zeozer egitea gustatuko litzaidake. Eta buruan bueltaka ari zaizkit gauza asko azken egunetan. Alde egitea. Libre izateko aukera. Etxetik kanpo, lagun artean hilabete batzuk ematea zoragarria da benetan. Baina imajinatu azkenean Karima eta bion artean zeozer gertatzen dala. Ezin izango nuke alde egin bera hemen utzita.

Askotan, bizitzan zehar erabaki asko hartu behar dituguz, bide bata edo bestea aukeratu. Gauza diferentek baldintzatzen dituzte gure aukera horiek. Bikoteak, diruak, familiak, nota puta batek... Gainera, inoren aholkuek ez dute garrantzi handirik. Gerta leike, erabaki horietaz damutzea.

Badira, argazki albumak gorrotatzen dituzten pertsonak. Nik gorrotatu izan ditut urte askotan. Iraganera begiratu eta bide onetik gindozaela konfirmatzeko baino ez zutela balio uste nuen. Jakina, erraza zen hori orain dela urte batzuk. Erabakirik hartzeko adinik ez nuenean. Gauzak, zetozen bezala hartzen nituen estalitako erregaluak bailiran. Beldurgarria da askotan bizitza oso bat aldatu dezaketen gauzen artean aukeratzea. Eta erabakirik onena izan den jakitea ezinezkoa da.

Behin, nire bizitzan famatua den pertsonai batek esan zuen, bizitza zigarro bat bezalako dela: "Gustora ala gozatu barik erre dezakezu, baina zigarroak ez du inoiz atzera egingo. Horregaitik, onena leike kalada bakoitza gozatu eta hurrengoaz ez arduratzea, zigarroa bukatu arte." Zigarroa bukatu eta beste bat eskatu zidan. Gero, botila erdi-hutsik edo erdi-beteta ikusten dutenen rollo horregaz hasi zen.

Comments

]]> Mon, 05 Nov 2007 23:48:44 +0000 Erre(ge)konkista! http://mikitaimar07.nireblog.com/post/2007/11/05/erregekonkista http://mikitaimar07.nireblog.com/post/2007/11/05/erregekonkista Handia naizenean, errege izan nahi dut. Bai, benetan dinot. Bidaiatzea asko gustatu zait beti, eta ordaindu barik mundu osotik bidaiatzeko aukera izatea nire ametsa izan da txikitatik. Espainiako familia errealak munduko lurralde eta kultura desberdin askotxo ezagutu ditu, beti noski, euren ardurataz ahaztu barik.

Baina pribilegio horrek, badu desabantaila txiki bat ere: ondo aukeratu behar da nora joan. Espainiako erregeek, oraingo honetan, Maroko aukeratu dute. Parkatu, Ceuta eta Melilla. Hauexek, espainiar ejerzitoak okupatutako azken bi lekuak dira. Horregaitik, Marokorenak izatetik, hiri espainolak izatera pasatu ziren.

Pasa den Udan, Marokon eman nuen denboralditxo bat. Essaouira, Casa Blanca, Marrakech, Fez, Rabat... eta nola ez Ceuta eta Melilla bisitatu nituen. Egia esan, han biziko banintz ez nintzateke oso espainola sentituko. Erlijio, kultura, bizimodu, ohiturak... penintsulan ikusitakoekin baino, antza handiagoa zuten Marokoko beste hirietan ikusitakoekin.

Askok probokazioa bezala ikusi dezakete batzuen bisita euren herrialdera, nahiz eta besteen intentzioak guztiz onak izan. Juan Carlosen intentzio onetaz ez dut zalantzarik, baina euren bidaiak antolatzen dituenak kontu handiagorekin aukeratu beharko lituzke agureentzako resortak. Ez dakit ba, Marina D'Or, Port Aventura... edo horrelakoak egokiagoak izan daitezke, agian.

]]> Mon, 05 Nov 2007 22:59:48 +0000 Google-en alde iluna http://mikitaimar07.nireblog.com/post/2007/11/04/google-en-alde-iluna http://mikitaimar07.nireblog.com/post/2007/11/04/google-en-alde-iluna Gaur Internet-en nabigatzen ari nintzela orrialde bitxi batekin topo egin dut, Blackle izenekoa. Antza Heap Media enpresak sortutako web-a da, energia aurrezteko. Bere helburu nagusia egunez egun energia aurrezteko har ditzakegun erabakien garrantzia azpimarratzea da. Horretarako Google bilaketa sistemaz hornituriko ataria sortu dute.

Honen itxura Google-ena bezalakoa da, baina beltz kolorekoa. Dirudienez, pantailaren zati handi bat argirik gabekoa izanda energia aurrezten da, beraz, alternatiba ona da geure bilaketak burutzeko eta bide batez energia ez xahutzeko.

Web hau sortzearen ideia blog baten bitartez sortu zen. Honela zioen sarrera batek: Black Google Would Save 750 Megawatt-hours a Year. Hau da, Google Beltzarekin 750 megabatio-or Blackle (1) du aurreztuko lirateke urtero. Ordutik, eztabaidak izan dira energiaren aurrezpenaren eta orrialde beltzen irakurketa onaren gainean. Bakoitzak bere iritzia izango du honen gainean, baina nire ustez neurri eraginkorragoak daude energia aurrezteko. Hala ere ez da aukera txarra honakoa.

]]> Sun, 04 Nov 2007 18:54:18 +0000 From Munich to Bilbao http://mikitaimar07.nireblog.com/post/2007/11/04/from-munich-to-bilbao http://mikitaimar07.nireblog.com/post/2007/11/04/from-munich-to-bilbao Hitz eman nizuen eta bada garagardoaren azokari buruz berba egiteko unea. Izan ere, blogean berria publikatu eta bi egunera hantxe azaldu nintzen bi lagunekin, sekulako garagardo pitxerrak hartzeko. Garagardoaren azoka (3)

Garagardoaren azoka (3)

Karpa luze bat zegoen jarrita Zorrozaurreko aparkalekuan eta urrutitik ere jendea algaraka entzuten zen. Barruan, mahai eta eserleku bukaezinak eta eszenatoki txiki bat talde babaroen kantak entzuteko. Gehiagorik ez, bi txosna barra eta nahi adina garagardo eta saltxitxak.

Alde horretatik nahiko eskas iruditu zitzaidan lehengo begirada bota nuenean. Zertxobait gehiago espero nuen, baina tira, kontutan izan behar da bi urte Garagardoaren azoka (2) daramatela soilik azoka antolatzen. Egia esateko, "azoka" irakurri nuenean bere esanahi osoan hartu nuen hitza, hau da, imaginatzen nuen bestelako gauzak ikusiko nituela, esaterako: garagardoa erosteko saltokiak, dastatzekoak, informazio postuak, etab. Ez zen horrela ordea, baina honekin ez dut esan nahi nire gustokoa ez zenik.

Lehenengo tragoa hartu genuen eta eseri bezain laster guztiak zutitu ziren eta airean albo batera eta bestera pitxerra mugituz jendea abesten hasi zen musikaren doinua jarraituz. Nabaria zen batzuk letra asmatzen zutela, askok aldiz aleman zarratu batean abesten zuten, nahiz eta euskaldu Garagardoaren azoka (1) n aurpegia izan. Ospakizun ohitura horrek txundituta utzi ninduen eta gainera hamar minuturo edo errepikatzen zuten. Beraz, giroaren aldetik erabat gozagarria aurkitu nuen festa hau eta ziur naiz denborarekin azokaren osagaiak hobetuko dituztela.

]]> Sun, 04 Nov 2007 16:30:32 +0000 Kamioia eta zubia http://mikitaimar07.nireblog.com/post/2007/11/03/kamioia-eta-zubia http://mikitaimar07.nireblog.com/post/2007/11/03/kamioia-eta-zubia Pasadan eguaztenean zortzi t'erditan, unibertsitateko polikiroldegira hurbildu nintzen lehenengo eskola hasi aurretik. Klaseko lagunekin futbito txapelketan izena eman genuen orain dela bi aste eta neurketen daten berri izateko joan nintzen klasekide batekin. Baina ezustea hartu genuen unibertsitatea eta kiroldegiaren artean zubirik ez zegoela ikustean. Berriz buelta osoa eman eta autoak sahiestuz errepidea gurutzatu genuen.

Ordu batzuk geroago, klasean irakasle batek gertatutakoaz berri eman zigun. Dirudienez martitzenean arratsaldean, kam Zubia ioi batek zubia bota egin zuen atzeko atoiarekin. Ez zen zauriturik izan zorionez eta aste honetan zubia bere leukuan berriz jarriko dute. Bitartean gimnasiora joan gure dutenak istripua gertatu zen tokia inguratu beharko dute.

]]> Sat, 03 Nov 2007 13:57:53 +0000 Talo, sagardo eta euria http://mikitaimar07.nireblog.com/post/2007/10/30/talo-sagardo-eta-euria http://mikitaimar07.nireblog.com/post/2007/10/30/talo-sagardo-eta-euria Urtero, Gernikako azokarik garrantzitsuena zein Euskal Herriko jendetsuenetakoa urriko azken astelehenean ospatzen da. Herriko gune nagusi osoa hartzen du jaiak, izan ere, baserritarrek euren produktuak saltzeko antolatzen diren 900 saltokiak herriko kale nagusietan jartzen dira: San Joan Ibarran, Paselekun, Artekalen eta Juan Kaltzadan.

Jai egun honetako erakargarritasun nagusia produktuen lehiaketa izaten da, besteak beste barazki, fruta, lore, gazta, txakolina, eztia… baina bueno, jende gaztearentzat lekua ere badago. Berandurarte irauten du kalearteko anbiente onak. Hauxe dena jakinda aurten koadrilan komentatu eta hurbiltzea adostu genuen. Eguerdirako ailegatu eta bazkalordurarte egon ginen bueltaka, azoka ikusten. Talo batzuk bazkaldu eta sagardoa dastatzen hasi ginen, hangoa kalitate onekoa zela entzuna baikenuen.

Euria, goizean barra-barra ibili bazen ere, arratsalderako ziri-miri lasai bat baino ez zen geratzen. Hala ere, jende kopurua nahikotxo murriztu egin zen eta nekatuta geunden jadanik. Orduan, autobusa hartzea erabaki genuen arratsaldeko zazpiretan, etxera heldu eta ohera. Kaltzontziluak bustita eta oraindik sagardo zaporea ahoan neukala jeiki naiz gaur, baina nire ikasgairik gogokoenaren praktika bi orduak egiteko gogotsu abiatu naiz klasera.

]]> Tue, 30 Oct 2007 22:40:30 +0000 San Mames-en http://mikitaimar07.nireblog.com/post/2007/10/28/san-mames-en http://mikitaimar07.nireblog.com/post/2007/10/28/san-mames-en Pasadan zapatuan Athletic-en partidua ikustera joan ginen lagun bat eta biok. Gonbidapen pare bat lortu genituen eta gogo handiekin hurbildu ginen San Mames aldera. Gainera aspalditik ez genuen zuzenean neurketarik ikusi eta zelaian oihuka aritzeko garaia zen.

Beraz, Pozas-era joan ginen ordu bat lehenago giroa berotzeko asmoekin. Bertan jendea animatuta zegoen jada eta agerian zegoen zelaia beterik egongo zela beste behin. Bapatean Zaramaren bihotzak sutan jarri zuten Indautxuko herriko tabernan eta algaraka hasi ginen "Athletic! Athletic!".

Zelaira hurbiltzeko ordua heldu zen eta abesten eta edaten ibili ginen jendetzaren artean. Giro ikaragarria zegoen une hartan. Egia esateko, Athletic-ek zapatuan jokatzen duenean, partiduak bero-beroak dira. Behin zelaian sartuta, berriz hasi ginen zale guztiok taldea animatzen eta partidua ahaztezina izateko itxura hartzen hasi zen. Athletic vs. Betis

Ordu ta erdi geroago burumakur irten ginen handik. Berdinketa zikin bat, eta beste partidu bat irabazi barik, gainera golik gabe. Pena handiarekin joan ginen alde zaharrera alkohol artean ikusitakoa ahazteko. Gaba horrek ez zuen askorik iraungo. Garagardo pare bat hartu eta etxean nintzen hiruretan. Barkatu, ordu bietan, erlojua atzeratu behar zela. Tristea baina holan izan zen, 15 urteko neskatxekin metroan bueltatu nintzen. Athletic honek nire bizitza akabatuko du.

Comments

]]> Sun, 28 Oct 2007 23:27:16 +0000 Bier Bier! http://mikitaimar07.nireblog.com/post/2007/10/23/bier-bier http://mikitaimar07.nireblog.com/post/2007/10/23/bier-bier Gaur metroz joan naiz unibertsitatera. Euria ari zen goizaldean eta burumakur sartu naiz bagoira. Bidai aspergarrian debaldeko egunkari bat nuen eskutartean eta titular batek esnatu nau berehala. Honela zioen: "Garagardoaren Azoka bihar hasiko da Deuston". Hura nire sorpresa Munich-eko Oktoberfest-aren giroa Bilbon bertan edukiko genuela irakurtzean.

Zorrozaurreko zabalunean ospatuko da eta bihartik hasita domekara arte iraungo du. Beraz egun hauetan behin baino gehiagotan hurbilduko naiz garagardo eta saltxitxez betetzera. Artikuloa eskaneatu dut guztiok ikus dezazuten egutegia eta honi buruzko informazioa. Ziur naiz handik pasako naizela, beraz, ikusitakoez zerbait idatziko dut hemendik gutxira.

Artikulua

]]> Tue, 23 Oct 2007 22:07:38 +0000 Mundakan surfean http://mikitaimar07.nireblog.com/post/2007/10/22/mundakan-surfean http://mikitaimar07.nireblog.com/post/2007/10/22/mundakan-surfean

Bobby Martinez Aparteko eguna izan zen urriaren 14-a. Aurkezpenekin hara eta hona ibili naizenez gero, ez dut orain arte domeka hartan gertatutrakoari buruz ezer idatzi. Baina jada garaia zen Mundakako Billabong Pro-ari buruz berba egiteko, are gehiago bertara hurbiltzeko aukera izan nuelako orain dela astebete.

Zerua oskarbi eta giro epela hondartzan, egun aproposa izan zen Euskal Herriko surfaren paradisua den Mundakara abiatzeko. Bertan Billabong Pro Txapelketaren fase finala ikusi nuen gazte askoren artean, agerian baitzegoen surfa gogoko duten euskaldun guztiak hantxe bildu zirela. Kirol honen zale amorratua ez banaiz ere, edonork txundituta utzi dezake Kelly Slater bezalako aquaman batek; nahiz eta hau irabazle ez izan, Bobby Martinez estatubatuarra baizik.

Jardunaldien ostean, koadrilakoek elkarrekin sartu ginen uretara olatu batzuk hartzera. Halere ura ez zegoen bainurik hartzeko moduan eta horren ostean mukuzapia patrikan eraman behar izan dut aste honetan.

]]> Mon, 22 Oct 2007 23:05:59 +0000 25 urteko azken barrikada http://mikitaimar07.nireblog.com/post/2007/10/22/25-urteko-azken-barrikada http://mikitaimar07.nireblog.com/post/2007/10/22/25-urteko-azken-barrikada

Durangoko gauetako haize hotza gure aurpegitan gogor jotzen bazuen ere, bero ziren gure erraiak. Gitarra zahar baten lehen akordean entzutean berotu zitzaizkigun zainak. Musikarien erloju atzeratuetan, hasteko ordua markatzen zuten orratzek. Puntualtasunak ez zuen inporta gau hartan.

3 ordu barru, lasai irten ginen denok; sartu bezala, baina katxeo barik oraingo honetan. Gure artean komentariorik ez zen entzuten. Baliteke entzun beharreko guztia entzuna izatea jada. Más vale que sobre, que no que falte esan zuten batzuk. Bueno, agurrak luzeak izaten dira normalean. Kontzertu luzeak eskaini izan ditu BARRICADAk azken urte honetan, taldearen 25. urteurrena ospatuz. Saldu zuten saldu beharreko guztia, musutruk gainera. Eta azokarik ez zen egon.

Durango aukeratu zuten azken agurrerako, orain dela urte batzuk bezala. Presente egoteko aukera izan genuenok agurtu genituen behin eta berriro. Txalotu ere bai. Gau on bat hasteko modu ona izan zen larunbatekoa. Nire partez, behintzat, eskerrik asko eta laster arte.

]]> Mon, 22 Oct 2007 21:22:26 +0000 Unibertsitatean, Kepa. http://mikitaimar07.nireblog.com/post/2007/10/22/unibertsitatean-kepa http://mikitaimar07.nireblog.com/post/2007/10/22/unibertsitatean-kepa

Eguerdiko 12:00etan klase genuen. Baina Unibertsitateko Kultura programak, piperra egiteko aukera paregabea eskaini zigun Asteazkenean: Kepa Junkeraren debaldeko kontzertua. Barkamena eskatu behar diot, edo EHUko kultura sailak eskatu beharko lioke, ordu horretan klase zuten irakasle denei. Ez bakarrik euren klaseetara hurbildu ez ziren ikasleongatik, baizik eta kontzertura joateko irrikan zeuden eta klase ematen geratu behar zirenei ere.

Trikitixa notak izan dira PIKOMBA taldean inspirazio. Keparen trikitixa notak batez ere. Honek sortutako musika dena, jeneralean. Horregatik, klase pare batetara ez joateak merezi zuen oraingo honetan. Era hurbil batean musika entzuteko aukera izan genuen gainera. Honelako ekintzak unibertsitatean bertan edukitzea, pribilegio handia da.

Argazkiak, reflex analogiko batekin atera nituen. Orduan, itxaron beharko duzue txirrika bukatu, argazkiak inprimatu eta argazkiak scaneatzen ditudan bitartean. Saiatuko naiz ahalik eta azkarren eskegitzen argazkiak. Barkamenak, benetan.

]]> Mon, 22 Oct 2007 21:19:10 +0000 Karimari buruz... http://mikitaimar07.nireblog.com/post/2007/10/15/karimari-buruz http://mikitaimar07.nireblog.com/post/2007/10/15/karimari-buruz Arte Ederren Fakultatea

Arte Ederren Fakultatea

Karima nire egun grisak alaitzen dituen neskatxa da. Orain dela bi urte ezagutu nuen, gidabaimenaren azterketa teorikoa nirekin batera egin zuelako. Egia esan, oso klase gutxitara joan nintzen eta autoeskolan ez nuen inoiz ikusi. Biok azterketa eredu berdina egin behar izan genuen, eta horrek eman zigun elkarrekin berba egiteko aukera.

Egia esan, horixe izan da elkarrekin benetan hitz egin dugun aldi bakarra. Beste birritan elkartrukatu ditugu berba pare bat edo, garrantzi handirik izan ez dutenak. Unibertsitaterako aurre-matrikula egin genuen eguna, horietako bat izan zen. Medikuntza ikasi nahi nuen, baina nota altuegia eskatzen zuten. Horregatik, beste karrera bat hautatu nuen. Gizarte eta Komunikazio Zientzietako Fakultateko bat. Karimak Arte Ederrak ikasiko zituen Unibertsitate berean. Beraz, elkar ikusteko aukera izango genuela pentsatu nuen. Honek alaitu ninduen, karreraren berri txarra jaso eta gero.

Orain, egunero bera ikustearen esperantza daukat, campusean edonon. Askotan ere, bere fakultatera hurbiltzen naiz. Elkar agurtu eta aurrera jarraitzen dugu, baina nire bihotzaren taupadak nabari daitezke nire bularretik kanpo.

]]> Mon, 15 Oct 2007 23:27:58 +0000 PIKOMBA http://mikitaimar07.nireblog.com/post/2007/10/15/pikomba http://mikitaimar07.nireblog.com/post/2007/10/15/pikomba Ez dauka esanahi jakinik, behintzat nik ezagutzen ditudan hizkuntzetan. Bat-batean asmatu genuen talderako izen xelebre hau. Entsegu bateko ohiko deskantsuan, gutako norbaitek hitz arraro hau bota zuen. Erabat eragin izan zuen izen horrek gure musikan, nire ustez behintzat.

Nahiko talde kuriosoa da gurea. Musika estiloa definitzea zaila litzateke, baita musikaririk adituenentzat ere. Helburu bakarra musika egiten ondo pasatzea da. Gure letretan gauza asko kontatzen ditugu, gai eta istorio desberdinak jorratzea gustoko dugu. Halere, hitzetan baino, melodietan oinarritzen gara, gure mezu propioa eraikiz.

Orain dela zazpi hilabete batu ginen herriko lagunok, hobby bezala hasi eta pixkanaka-pixkanaka gero eta interes handiagoa piztu zaigu. Asko gelditzen zaigu oraindik ikasteko baina agerian dago jendeak aurrera segitzea nahi duela.

Gure helburua, datorren astetan abestitxoren bat grabatu eta ingurutik zabaltzea da. Ea denborarik daukagun, eta hementxe eskegitzen dugun zeozer, zeuek entzun dezazuen.

Pikomba

]]> Mon, 15 Oct 2007 21:50:57 +0000 Unibertsitateko kontuak http://mikitaimar07.nireblog.com/post/2007/10/15/unibertsitateko-kontuak http://mikitaimar07.nireblog.com/post/2007/10/15/unibertsitateko-kontuak Giza zientzien fakultatea (Leioa)

Giza zientzien fakultatea (Leioa)

Lehen sarrera irakurri baino lehen, oraindik norbait irakurtzen jarraitu nahi badu, uste dut beharrezkoa dela nire buruaz zeozer azaltzea. Gaur egun, ezinbestekoa dugu jakitea zer irakurtzen dugun. Batez ere, internet mundu birtual honetan, edonork publikatzeko erraztasun handia daukalako. Hobe, zeuek edo zeuk izatea honetan lehen adjektiboak ipintzen dituena, horregatik, nire burua deskribatu baino, nire gaurko egoera kontatuko dizuet labur-labur:

Leioako Unibertsitateko ikaslea naizenez, egunero autobusez edo metro eta autobusez igotzen naiz bertara. Askotan luzeegia dirudi bidaia, batez ere jendez gainezka doanean autobusa. Horregatik, batzutan nahiago dut metroz heldu Leioara eta BUSa hartu gero berton. Bidaiaren tartean jende bitxia topàtzen dut egunez egun, beraz, batzutan kontu hauetaz mintzatuko naiz ere.

Askotan bidaia luzeek, merezi duen zerbaiterako balio dute. Izan ere, nahiko giro atsegina dago gure fakultatean. Udaran eguzkipean etzateko larreak, eta neguko egunetan, kafetegi handi bat orduak bertan igarotzeko. Ezer gehiagorik nahi? Kafetegia aipatu berri dudanez, aurreratzen dizuet neu, ikasle askoren antzera, honetan eskoletan baino egun gehiago pasatzen ditudala. Jeje! Zintzo arituko naiz irakurleekin.

Oharra: Eskertuko nizueke komentarioren bat uztea, horrela askoz atseginago bihurtuko zen hau. Eskerrik asko!

]]> Mon, 15 Oct 2007 21:00:14 +0000 Hasi baino lehen... http://mikitaimar07.nireblog.com/post/2007/10/15/hasi-baino-lehen http://mikitaimar07.nireblog.com/post/2007/10/15/hasi-baino-lehen Ieup! Beno ba... Neu Pontxo "Pelos" naiz. 19 urteko tipo normala, nire ustez. Aimarrek eta Mikelek eskatu didate Blog honetan nire bizitzan ematen direnei buruz lerro batzuk idaztea astero. Euren ustez nire eguneroko istorioak interesgarriak izan daitezke. Egia da nahiko gauza xelebreak topa ditzakedala edonoiz eta edonon, eta haiei kontatzen dizkiedanean, beti animatzen naute egunkari batetan idaztera, edo nire bizitzaren inguruan liburuxka bat egitera. Orain, aukera hori daukadala, ez dut galduko. Nire barruko sentipenak, eguneroko kontuak, gorroto eta amodio istorioak... horiek denak topatuko dituzue Blog honetan. Nire burua ezagutzera eman baino gehiago, orain arte giltzapean gorde ditudan paranoia denak plazaratu nahiko nituzke hemen. Baina Blogak eta teknologia berri hauek denak, egunez-egun berritzen doazen horiek, ez dute horretarako denborarik. Horregaitik, saiatuko naiz saltsan dauden gaietan zentratzen, nire ikuspuntu eta, nire ustez ukaezina den, iritzia alde batera utzi barik.

]]> Mon, 15 Oct 2007 09:42:37 +0000